Ироқ армияси ИШИДга қарши янги фронт очди

Ироқ ҳарбий кучлари Мосул шимоли-ғарбида ИШИД жангариларига қарши янги жабҳа очди. Бу ҳақда, Reuters’га асосланиб, «РБК» хабар бермоқда.

Шаҳар маркази томонига 9-зирҳли танк дивизияси, шунингдек, ИИВ тез таъсир кучлари отрядлари йўл олди. Командирнинг сўзларига қараганда, бу махсус қўшинлар ва ИИВ қисмларига ИШИДга қарши курашда ёрдам беради.

Ироқ армияси АҚШ бошчилигидаги коалиция кучлари кўмагида 2016 йил октябридан буён Мосулни озод қилиш бўйича операция олиб бормоқда.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.