Bugun,

  • USD 10940.05
  • RUB 182.26
  • EUR 11121.65

AQSh hukumatining “Grin kard” yoki “Turli millatga mansub immigrantlar vizasi” lotereyasi natijalari bilan 2-may kuni Toshkent vaqti bilan 21:00 dan e’tiboran onlayn tartibda tanishish mumkin bo‘ldi, deya ma’lum qildi Forum Daily.

Foto: ForumDaily

Foto: ForumDaily

Elektron ko‘rinishda topshirilgan arizalar bo‘yicha natijalarni https://www.dvlottery.state.gov/ saytiga kirib, ro‘yxatdan o‘tganlik haqidagi raqam (kod), familiya va tug‘ilgan yili haqidagi ma’lumotlarni kiritish orqali tekshirish mumkin. 2018-yilgi lotereya uchun arizalar qabuli 2016-yilning 4-oktabrda ochilib, 7-noyabrga qadar davom etgandi.

Shuningdek, 2017-yil 30-sentabrga qadar 2017-yil (DV-2017) uchun o‘ynalgan “Grin kard” natijalari bilan tanishish mumkin. Ushbu sanadan so‘ng, lotereyada g‘olib bo‘lgan shaxslar Amerika “Grin kard”ini olish borasida tegishli ariza topshira olmaydilar.

Elchixona xabarida ta’kidlanishicha, garchi ko‘plab kompaniyalar “Turli millat vakillari uchun immigratsion vizalar” dasturiga ariza topshirish bo‘yicha o‘z xizmatlarini taklif etsa ham, ularning xizmatlaridan foydalanish shaxsning lotereyada g‘olib bo‘lish ehtimolligini hech qaysi yo‘l bilan oshirmaydi.

Ma’lumot uchun, Amerika hukumati “Turli millatga mansub immigrantlar vizasi” dasturi orqali 50 ming nafar doimiy yashash huquqini beruvchi vizalar ajratadi. Vizalar so‘nggi besh yil mobaynidagi AQShga immigratsiya ko‘rsatkichlari asosida olti mintaqaviy hudud orasida taqsimlanadi; bunda immigratsiya ko‘rsatkichlari past bo‘lgan hududlarga ko‘proq vizalar miqdori belgilanadi.

Vizaga murojaat etuvchilar kompyuter orqali amalga oshiriladigan tasodifiy tanlov lotereyasi yordamida saralanadi. Shaxsning ismi lotereyada tanlanishi unga immigratsion vizaga murojaat etish jarayonining keyingi bosqichlarini o‘tish imkoniyatini beradi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!

Izoh
Asosiy yangiliklar
Mahalliy
Putinparast raqqos Toshkentda urushga chorlovchi qo‘shig‘i uchun senzura qilinganini aytmoqda. O‘zi nima bo‘lgandi?
Dunyo
Ganjani vayron qilgan 11 ballik zilzila, Gutenberg chop etgan ilk kitob, Suriyada harbiy operatsiya boshlagan Rossiya qo‘shinlari. Kun xronologiyasida 30-sentabr
Dunyo
Rossiya Zaporojye va Xerson viloyatlari mustaqilligini tan oldi