Nordstorm do‘koni saytida kir ko‘rinishidagi suratga ega PRPS brendi djinsisi paydo bo‘ldi. Uning qiymati 425 dollar. Bu haqda Daily Mail xabar bermoqda, deb yozadi Daily Afisha.
Mahsulot ta’rifida: qotib ketgan va chatnagan kir siz iflos bo‘lishdan qo‘rqmasligingizni ko‘rsatadi deyiladi. Unda, shuningdek, bunday djinsilar haqiqiy mehnat timsoli ekanligi ta’kidlanadi.
Teleboshlovchi Mark Rou yangi djinsi haqida Facebook’dagi sahifasida post qoldirgandan so‘ng, ijtimoiy tarmoqda qizg‘in muhokamalar boshlanib ketdi. Rou eskirgan djinsi haqiqatdan o‘ziga xos jozibaga ega ekanligi, biroq bu yo‘nalish haddan oshib ketganligini ma’lum qildi.
Post ostida qoldirilgan izohlarda kir suratini tezroq hosil qilish usuli borligi, buning uchun haqiqatdan jismoniy mehnat qilish kerakligi ta’kidlandi. Foydalanuvchilardan biri 200 dollar evaziga kir suratining bir necha xili: otxona, tovuqxona, shuningdek traktor loygarchiligini yaratishi mumkinligini ma’lum qilgan. 600 dollarga esa echkilaridan biri djinsini chaynab, unda teshik qoldirishi mumkinligini ta’kidlaydi.
Brend shimdan tashqari shu narxda ifloslangan djinsi kurtkani ham taklif qiladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)