Badiiy gimnastika bo‘yicha Olimpiada chempioni Alina Kabayeva vatani O‘zbekistonga tashrif buyurdi, deb yozdi “Olamsport”.
Ayni kunlarda Toshkent shahri badiiy gimnastika bo‘yicha Jahon kubogi bellashuvlariga mezbonlik qilmoqda. Unda Rossiya terma jamoasi gimnastikachilari ham ishtirok etayotgan bo‘lib, delegatsiya safida Alina Kabayeva ham bor.
1983-yil Toshkentda tavallud topgan Alina Kabayeva 1995-yildan buyon Moskvada istiqomat qiladi. U sport sir-asrorlarini 3 yoshidan boshlab Toshkentdagi sport maktabida o‘rgangan bo‘lib, professional sportdagi faoliyatini Rossiyada boshlagan. Keyinroq mazkur mamlakat bayrog‘i ostida Sidney Olimpiadasining bronza, Afina Olimpiadasining esa oltin medallarini qo‘lga kiritgan.
Ma’lumot uchun, Alina Kabayeva o‘zbekistonlik mashhur sobiq futbolchi Marat Kabayevning farzandi hisoblanadi.
Izoh (0)