Filippinda uchta yer silkinishi qayd etildi. Bu haqda 12-aprel, chorshanba kuni Rossiya Geofizika xizmati filiali xabar bermoqda, deb yozadi “Interfaks”.
12-aprel, chorshanba kuni Davao shahridan 82 kilometr shimoli-g‘arbdagi Mindanao orolida 02:21 da (Toshkent vaqti bilan) 5,9 magnitudali zilzila sodir bo‘ldi. Uning epimarkazi 7,62 daraja shimoliy kenglik va 124,81 daraja sharqiy uzunlikda joylashdi. Epimarkazdagi silkinish kuchiga ko‘ra seysmik hodisa “vayronkor” deb baholanmoqda.
Sulavesi dengizi akvatoriyasida General-Santos shahridan 234 va 191 kilometr masofada 5,6 va 5,7 magnitudali yana ikki yer silkinishi yuz berdi.
Epimarkazidagi silkinish kuchiga ko‘ra, mazkur zilzilalar “juda kuchli” deb baholanmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)