Yaman janubi-sharqidagi Shabva provinsiyasida “Ansor Alloh” (xusiylar) harakati isyonchilari va hukumat qo‘shinlari to‘qnashuvlari natijasida kamida 15 kishi halok bo‘ldi, deb yozadi “RIA Novosti” mahalliy manbaga tayanib.
Manba so‘zlariga ko‘ra, xusiylar avvalroq prezident Mansur Hodiy qo‘shinlari nazorat qilgan qator pozitsiyalarni qo‘lga olishga muvaffaq bo‘lgach, provinsiyada shafqatsiz to‘qnashuvlar boshlangan.
“To‘qnashuvlar har ikkala tomondan to‘plardan to‘xtovsiz o‘q yog‘dirilishi fonida bo‘lib o‘tdi, u bir necha soat davom etdi… O‘qqa tutishlar natijasida ikkala tomondan 15 kishi halok bo‘ldi”, — dedi manba.
Izoh (0)