Amerikalik musiqachi va shoir Bob Dilan Stokgolmda Nobel qo‘mitasi diplomi va medalini qabul qilib oldi, deb yozadi “Gazeta.ru”.
Mukofotni olish uchun endi Dilan an’anaviy ma’ruzani 10-iyundan kech bo‘lmagan muddatda o‘qib berishi kerak.
Avvalroq Bob Dilan Nobel mukofotini olib ketishga rozi bo‘lgan edi.
Bob Dilan adabiyot bo‘yicha 2016-yilgi Nobel mukofoti laureati deb e’lon qilingan. U “buyuk Amerika qo‘shiqchilik an’analarida yangi she’riy tilni yaratgani uchun” taqdirlandi. Mukofot egasi e’lon qilinganidan keyingi ikki hafta davomida xonanda hech qayerda ko‘rinish bermadi, so‘ng Shvetsiyaga qo‘ng‘iroq qilib, tashkiliy qo‘mitaga minnatdorchilik bildirdi.
Izoh (0)