Rossiya tashqi ishlar vazirligi Suriyaning Aleppo shahri tashqarisidagi Al-Jina qishlog‘iga aviazarba berilishi natijasida kamida 42 kishining halok bo‘lgani haqidagi ma’lumotlar tasdiqlansa, bu Suriyadagi terrorchilar bilan kurash ishtirokchilari o‘rtasida yanada yaqin koordinatsiya o‘rnatilishi zaruriyati haqida o‘ylashga sabab bo‘lishini aytdi, deb yozadi “RBK”.
Muassasa qayd etishicha, koordinatsiya “nishonlarning aniqligini sezilarli ravishda oshirish, shuningdek, maqbullik darajasi harbiy jihatdan shubhali bo‘lgan harakatlardan qochish”ga yordam bera olardi.
TIV xabarida, shuningdek, vazirlik “Amerika harbiylari terrorchilarni nishonga olgani” borasida hech qanday shubha yo‘qligi ta’kidlanadi.
“Biz ba’zi opponentlarimizdan farqli o‘laroq, bu vaziyatda tincha aholi vakillarini ataylab o‘ldirish va fuqarolik infratuzilmasini vayron qilish ayblovlari bilan chiqmoqchi emasmiz”, — deya qayd etdi vazirlik.
Eslatib o‘tamiz, Suriyaning Aleppo shahri tashqarisidagi Al-Jina qishlog‘ida joylashgan masjidga noma’lum harbiy samolyotlar aviazarba berishi natijasida kamida 42 kishi halok bo‘lgan va yana bir necha o‘n kishi yaralangan edi.
Izoh (0)