Россия ташқи ишлар вазирлиги Суриянинг Алеппо шаҳри ташқарисидаги Ал-Жина қишлоғига авиазарба берилиши натижасида камида 42 кишининг ҳалок бўлгани ҳақидаги маълумотлар тасдиқланса, бу Суриядаги террорчилар билан кураш иштирокчилари ўртасида янада яқин координация ўрнатилиши зарурияти ҳақида ўйлашга сабаб бўлишини айтди, деб ёзади «РБК».
Муассаса қайд этишича, координация «нишонларнинг аниқлигини сезиларли равишда ошириш, шунингдек, мақбуллик даражаси ҳарбий жиҳатдан шубҳали бўлган ҳаракатлардан қочиш»га ёрдам бера оларди.
ТИВ хабарида, шунингдек, вазирлик «Америка ҳарбийлари террорчиларни нишонга олгани» борасида ҳеч қандай шубҳа йўқлиги таъкидланади.
«Биз баъзи оппонентларимиздан фарқли ўлароқ, бу вазиятда тинча аҳоли вакилларини атайлаб ўлдириш ва фуқаролик инфратузилмасини вайрон қилиш айбловлари билан чиқмоқчи эмасмиз», — дея қайд этди вазирлик.
Эслатиб ўтамиз, Суриянинг Алеппо шаҳри ташқарисидаги Ал-Жина қишлоғида жойлашган масжидга номаълум ҳарбий самолётлар авиазарба бериши натижасида камида 42 киши ҳалок бўлган ва яна бир неча ўн киши яраланган эди.
Изоҳ (0)