Yevrokuboklarda Rossiyadan hech kim qolmadi. Mourinyo va “Yunayted” Yevropa ligasining chorak finalida

Yevropa ligasi musobaqasining chorak finaliga yo‘llanma olgan sakkiz jamoa nomi ma’lum bo‘ldi.

Rossiyaning “Rostov” klubiga qarshi safar o‘yinida 1:1 hisobiga imzo chekkan “Yunayted”, “Old Trafford”da Xuan Mataning yagona goli evaziga zafar quchdi. Xuddi o‘tgan o‘yinda bo‘lgani kabi, bu safar ham golli uzatmani Zlatan Ibrahimovich tashlab berdi.

Rimning “Roma” klubi o‘z maydonida “Lion” ustidan 2:1 hisobida zafar quchib, musobaqani tark etdi. Tomonlarning Fransiyada kechgan o‘yini mezbonlarning 4:2 hisobidagi g‘alabasi bilan yakuniga yetgandi.

Ispaniyaning “Selta” klubi avvalgi bosqichda Ukrainaning “Shaxtyor”ini turnirdan chiqarib yuborgandi. Vigoliklar bu safar Rossiyaning “Krasnodar” klubini ikki o‘yin natijasiga ko‘ra mag‘lub eta oldi.

Yevropa Ligasi 1/8 final 16-mart, payshanba

“Krasnodar” (Rossiya) — “Selta” (Ispaniya) 0:2

Gollar: Ugo Malyo, 52 (0:1). Yago Aspas, 80 (0:2).Chetlatish: Sharl Kabore, 86 (K).Dastlabki o‘yin: 1:2

“Beshiktosh” (Turkiya) — “Olimpiakos” (Gretsiya) 4:1

Gollar: Vensan Abubakar, 10 (1:0). Rayan Babel, 22 (2:0). Tarik Elyunussi, 31 (2:1). Rayan Babel, 75 (3:1). Jenk Tosun, 84 (4:1).Chetlatish: Vensan Abubakar, 39 (B).Dastlabki o‘yin: 1:1

“Genk” (Belgiya) — “Gent” (Belgiya) 1:1

Gollar: Timoti Kastan, 20 (1:0). Lui Verstrate, 84 (1:1).Dastlabki o‘yin: 5:2

“Manchester Yunayted” (Angliya) — “Rostov” (Rossiya) 1:0

Gol: Xuan Mata, 70 (1:0).Dastlabki o‘yin: 1:1

“Borussiya Myonxengladbax” (Germaniya) — “Shalke” (Germaniya) 2:2

Gollar: Andreas Kristensen, 26 (1:0). Mahmud Daud, 45+2 (2:0). Leon Goretska, 54 (2:1). Nabil Bentaleb, 68-pen (2:2).Dastlabki o‘yin: 1:1

“Roma” (Italiya) — “Lion” (Fransiya) 2:1

Gollar: Muxtor Diakabi, 16 (0:1). Kevin Strotman, 18 (1:1). Lyuka Tusar, 60-avt (2:1).Dastlabki o‘yin: 2:4

“Ayaks” (Gollandiya) — “Kopengagen” (Daniya) 2:0

Gollar: Bertran Traore, 23 (1:0). Kasper Dolberg, 45+3-pen (2:0).Dastlabki o‘yin: 1:2

“Anderlext” (Belgiya) — “APOEL” (Kipr) 1:0

Gol: Frank Achimpong, 65 (1:0).Dastlabki o‘yin: 1:0

Ma’lumot uchun, Yevropa Chempionlar ligasi va Yevropa ligasining chorak final bellashuvlariga bugun — 17-mart kuni qur’a tashlash marosimi bo‘lib o‘tadi.