Toshkent shahrida Istiqbol hamda Nukus ko‘chalarini o‘zaro tutashtiruvchi yo‘l ochilishga tayyorlanmoqda, deya xabar beradi “Gazeta.uz”.
Istiqbol ko‘chasining tugash qismidagi yashil hududda shahar obodonlashtirish xizmati xodimlari ishlamoqda.
Ko‘chaning kesib o‘tiladigan qismidagi panjaralar olib tashlangan. Ishchilar maysazorni sug‘orish uchun xizmat qiladigan quvurlarni olib tashlab, daraxt shoxlarini tartibga keltirmoqda.
Yopiq hudud atrofiga bir necha yil avval ekilgan archalar ko‘kalamzorlashtirish xizmati tomonidan kavlab olinib, olib ketilgan.
Ikki ko‘chani tutashtiruvchi yo‘l bo‘ylab qachon harakatlanish mumkin bo‘lishi hozircha noma’lum.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)