Video: Bahorning “Istiqlol”da bo‘ladigan eng qimmat konsertlari reytingi

Toshkentdagi “Istiqlol” san’at saroyida konsertlar mavsumi davom etmoqda. Jurnalist Feruz Muhammad san’at saroyida bo‘lib, chiptalarning kassadagi narxlari asosida eng qimmat konsertlar reytingini tuzdi.

5-o‘rin. “Million” kulgu jamoasi konserti

“Million” jamoasining konserti 24—28-aprel kunlari bo‘lib o‘tadi. Chiptalar narxi — eng arzoni 15 ming so‘m, eng qimmati — 100 ming so‘m.

4-o‘rin. Xonanda Alisher Fayzning konserti

Xonanda Alisher Fayzning 17—21-may kunlari tashkil etiladigan dasturining chiptalari narxi quyidagicha — eng arzon chipta 10 ming so‘m, eng qimmat chipta esa 120 ming so‘m.

3-o‘rin. Shohrux reperning konserti

24—25-mart kunlari bo‘lib o‘tadigan mazkur konsertning eng arzon chiptasi 20 ming so‘mdan, eng qimmati esa 150 ming so‘mdan sotilmoqda.

2-o‘rin. Xonanda Shahzodaning konserti

Xonanda Shahzodaning 5—11-may kunlari bo‘ladigan konsertining eng arzon chiptasi 15 ming so‘m, eng qimmati — 250 mingdan.

1-o‘rin. Xonanda Yulduz Usmonovaning konserti

Xonanda Yulduz Usmonovaning 11—23-aprel kunlari jonli ijroda bo‘lib o‘tadigan dasturining eng arzon chiptasi 20 ming so‘m, eng qimmati esa 250 ming so‘mgacha belgilangan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!