Видео: Баҳорнинг «Истиқлол»да бўладиган энг қиммат концертлари рейтинги

Тошкентдаги «Истиқлол» санъат саройида концертлар мавсуми давом этмоқда. Журналист Феруз Муҳаммад санъат саройида бўлиб, чипталарнинг кассадаги нархлари асосида энг қиммат концертлар рейтингини тузди.

5-ўрин. «Миллион» кулгу жамоаси концерти

«Миллион» жамоасининг концерти 24—28 апрель кунлари бўлиб ўтади. Чипталар нархи — энг арзони 15 минг сўм, энг қиммати — 100 минг сўм.

4-ўрин. Хонанда Алишер Файзнинг концерти

Хонанда Алишер Файзнинг 17—21 май кунлари ташкил этиладиган дастурининг чипталари нархи қуйидагича — энг арзон чипта 10 минг сўм, энг қиммат чипта эса 120 минг сўм.

3-ўрин. Шоҳрух рэпернинг концерти

24—25 март кунлари бўлиб ўтадиган мазкур концертнинг энг арзон чиптаси 20 минг сўмдан, энг қиммати эса 150 минг сўмдан сотилмоқда.

2-ўрин. Хонанда Шаҳзоданинг концерти

Хонанда Шаҳзоданинг 5—11 май кунлари бўладиган концертининг энг арзон чиптаси 15 минг сўм, энг қиммати — 250 мингдан.

1-ўрин. Хонанда Юлдуз Усмонованинг концерти

Хонанда Юлдуз Усмонованинг 11—23 апрель кунлари жонли ижрода бўлиб ўтадиган дастурининг энг арзон чиптаси 20 минг сўм, энг қиммати эса 250 минг сўмгача белгиланган.

«Дарё»нинг Telegram’даги расмий канали — @toshqindaryo’га аъзо бўлинг!