Chexiya prezidenti hazillashib, o‘zini “Kremlning agenti” deb atadi

Chexiya prezidenti Milosh Zeman o‘zini Rossiya, Xitoy, Amerika yangi ma’muriyati va Isroilning agenti deb atadi. Bu haqda “Gazeta.ru” xabar bermoqda.

U bunday hazilomuz shaklda Rossiya telekanallaridan birining jurnalisti uning rossiyaparast pozitsiyasi haqida bergan savolga javob qildi.

“Bilasizmi, men Rossiyaning, xususan, Vladimir Vladimirovich Putinning agentiman. Shuni qo‘shimcha qilishim kerakki, Xitoy raisining ham agentiman. Endi esa meni AQSh yangi prezidentining ham agenti deyishyapti. Men o‘zim doim qo‘llab-quvvatlaydigan Isroilning agentiman”, — dedi Zeman.

So‘ng prezident aslida faqat bitta mamlakat — Chexiyaning agenti ekanligini jiddiylik bilan aytdi.