Venesuela rasmiylari mamlakatda CNN translyatsiyasini man etdi

Venesuela rasmiylari mamlakatda AQShning CNN telekanali ispan tilidagi translyatsiyasini man etdi. Bu haqda “Interfaks” xabar bermoqda.

Hukumat rasmiy bayonotida bildirilishicha, Venesuela telekommunikatsiyalar milliy komissiyasi “CNN yangiliklar telekanalining ispan tilidagi ko‘rsatuvlari mamlakatda olib ko‘rsatilishini zudlik bilan to‘xtatish” haqida ko‘rsatma bergan.

Bunday keskin choralarga Venesuelaning Iroqdagi elchixonasi terrorchilik harakatlariga aloqador fuqarolarga viza berganligi haqidagi CNN reportaji sabab bo‘lgani bildirilmoqda.

Eslatib o‘tamiz, oldinroq Venesuela rasmiylari AQSh prezidenti Donald Trampning mahalliy muxolifat yetakchisi Leopoldo Lopesni ozod qilish haqidagi talabini rad etib, Oq uy ko‘rsatmalariga ergashish niyatida emasligini bildirgandi. “Daryo”ning Telegram’dagi rasmiy kanali — @toshqindaryo’ga a’zo bo‘ling!