Doping bilan tutilgan rossiyalik bokschi Povetkin WBC reytingidan chiqarib tashlandi

Taqiqlangan moddalar qabul qilgan rossiyalik og‘ir vaznli bokschi Aleksandr Povetkin Butunjahon boks kengashi (WBC) reytingidan chiqarib tashlandi. Bu haqda “Sportbox.ru” xabar bermoqda.

Povetkin WBC reytingidan chiqarib tashlandi. Uning ishi bo‘yicha yakuniy qaror kelasi hafta e’lon qilinadi.

Maurisio Sulaymon, WBC prezidenti

Eslatib o‘tamiz, 2016-yilning 17-dekabr kuni Povetkinning kanadalik Bermeyn Stivernga qarshi jangi oldidan, ya’ni, 6-dekabr kuni topshirgan doping namunasida taqiqlangan modda aniqlangani haqida ma’lum qilingandi. Test natijasiga ko‘ra, rossiyalik bokschining namunasida SARM guruhiga kiruvchi Ostarin moddasi aniqlangan edi.Keyinroq Rossiya professional boks federatsiyasi vitse-prezidenti va Povetkinning promouteri Andrey Ryabinskiy bokschining namunasida taqiqlangan preparat bo‘lgan, ammo uni diskvalifikatsiya qilish uchun yetakli miqdorda bo‘lmaganini ma’lum qilgandi. Biroq, uning “B” namunasida doping borligi aniqlandi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.