Допинг билан тутилган россиялик боксчи Поветкин WBC рейтингидан чиқариб ташланди

Тақиқланган моддалар қабул қилган россиялик оғир вазнли боксчи Александр Поветкин Бутунжаҳон бокс кенгаши (WBC) рейтингидан чиқариб ташланди. Бу ҳақда «Sportbox.ru» хабар бермоқда.

Поветкин WBC рейтингидан чиқариб ташланди. Унинг иши бўйича якуний қарор келаси ҳафта эълон қилинади.

Маурисио Сулаймон, WBC президенти

Эслатиб ўтамиз, 2016 йилнинг 17 декабрь куни Поветкиннинг канадалик Бермейн Стивернга қарши жанги олдидан, яъни, 6 декабрь куни топширган допинг намунасида тақиқланган модда аниқлангани ҳақида маълум қилинганди. Тест натижасига кўра, россиялик боксчининг намунасида САРМ гуруҳига кирувчи Остарин моддаси аниқланган эди.Кейинроқ Россия профессионал бокс федерацияси вице-президенти ва Поветкиннинг промоутери Андрей Рябинский боксчининг намунасида тақиқланган препарат бўлган, аммо уни дисквалификация қилиш учун етакли миқдорда бўлмаганини маълум қилганди. Бироқ, унинг «B» намунасида допинг борлиги аниқланди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.