Tennis bo‘yicha norasmiy jahon chempionati hisoblangan Devis Kubogida O‘zbekiston terma jamoasi yana bitta ochko ishladi. Kecha — 3-fevral kuni mamlakatning ikkinchi raketkasi Sanjar Fayziyev Janubiy Koreya tennischisiga imkoniyatni boy bergan bo‘lsa, O‘zbekistonning eng oldi raketkasi Denis Istomin zafar quchib, 1 ochko ishlab olgandi.
Bugun — 4-fevral kuni mazkur ikki tennischi birgalashib koreyalik juftlikni taslim qildi. Xyon Chon Yun hamda Kyu Lim tandemiga qarshi kortga tushgan o‘zbekistonliklar birinchi setni 6:3 hisobida o‘z foydasiga hal qilib, keyingi ikki setda imkoniyatni tay-breykda boy berib qo‘ygandi. Bellashuv yakuniga qadar ustunlikni qo‘lga olgan Istomin yetakchiligidagi juftlik yakunda yana ikki setda g‘olib chiqa oldi — 6:3, 6:7(10:12), 6:7(5:7), 7:5, 6:4. Qayd etish kerak, bahs 4 soat-u 17 daqiqa davom etdi.
Mazkur hisob O‘zbekiston terma jamoasining hisobda oldinga o‘tib olishini ta’minladi. 5-fevral kuni Denis Istomin va Sanjar Fayziyev yana 1 tadan geymda kortga chiqadi. Istominga Xyon Chon raqiblik qilsa, Fayziyev Dak Xi Liga qarshi kurash olib boradi. Mazkur ikki to‘qnashuv Devis kubogining navbatdagi bosqichiga yo‘llanma olgan terma nomiga oydinlik kiritib beradi.
Devis kubogi Osiyo va Okeaniya mintaqasi 3—4-fevral, juma
Janubiy Koreya — O‘zbekiston 1:1
Xyon Chon — Sanjar Fayziyev 6:4, 6:4, 6:7, 4:6, 6:0Dak Xi Li — Denis Istomin 6:4, 2:6, 6:7, 4:6Xyon Chon Yun/Kyu Lim — Istomin/Fayziyev 6:3, 6:7(10:12), 6:7(5:7), 7:5, 6:4.
Izoh (0)