Yevroparlament Gruziya uchun vizalarni bekor qilishni ma’qulladi

Yevroparlament deputatlari 2-fevral kuni bo‘lib o‘tgan yalpi sessiyada Gruziya va Kosovo uchun vizasiz rejim joriy etilishini ma’qulladi, deb yozadi Meduza.

Mazkur mamlakatlar uchun vizasiz rejim joriy etilishini Yevropa kengashi ham ma’qullashi lozim.

U ma’qullangandan keyin va vizasiz rejimni amalga oshirish bilan bog‘liq barcha masalalar tartibga keltirilgandan so‘ng Gruziya va Kosovoning biometrik pasportga ega bo‘lgan fuqarolari Yevropa Ittifoqiga yarim yil davomida 90 kunga vizasiz kirish imkoniga ega bo‘ladi.

Gruziya va Kosovo fuqarolarining Yevropa Ittifoqiga vizasiz kirishi haqidagi muzokaralar 2012-yildan buyon olib borilayotgan edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.