Kanada hukumati AQSh prezidenti Donald Tramp tomonidan qabul qilingan migratsiya siyosatidagi qarorlar tufayli 2017-yilda qochoqlarni qabul qilish bo‘yicha rejalarini o‘zgartirmaydi. Bu haqda Kanada migratsiya, qochoqlar va fuqarolik masalalari bo‘yicha vaziri Ahmad Hussayn ma’lum qildi, deb yozadi “TASS”.
“Biz belgilangan rejaga amal qilmoqchimiz”, — dedi u. Vazir Kanada liberal hukumati joriy yilda 40 ming qochoqni qabul qilishga tayyor ekanligini eslatib o‘tdi.
Avvalroq Husayn AQSh prezidenti Trampning mamlakatga kirishni cheklovchi farmoni tufayli Kanadada qolishga majbur bo‘lgan yettita musulmon davlati fuqarolariga vaqtincha yashash huquqi berilishini ma’lum qilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)