Qirg‘izistonning Bishkek shahrida sakkizinchi sinf o‘quvchisi derazadan sakrab, halok bo‘ldi, deb yozadi KNews Bishkek Ichki ishlar bosh boshqarmasiga tayanib.
Baxtsiz hodisa 1-fevral kuni ertalab sodir bo‘ldi. Bola to‘rt qavatli uy derazasidan sakradi.
“Ayni paytda voqea yuz bergan vaziyat aniqlashtirilmoqda, hodisa joyida tergov-tezkor guruhi ishlamoqda. Bu internet tarmog‘ida o‘smirlar orasida faollik bilan ommalashayotgan, o‘z joniga qasd qilish bo‘yicha ‘Ko‘k kit’ aksiyasiga bog‘liq yoki bog‘liq emasligi hozircha noma’lum”, — deyishdi muassasadagilar.
Nashr eslatishicha, bunday fleshmob Qirg‘izistonda ham ommalashmoqda. “O‘yin ‘Ko‘k kit’ deb nomlanadi. U o‘z joniga qasd qiluvchilar uchun. 50 kun ichida turli topshiriqlarni bajarasan va oxirida o‘zingni o‘ldirasan — mana shu g‘alaba hisoblanadi. Agar yuta olmasang, senga yordam berishadi”, — deb javob berdi Instagram foydalanuvchilaridan biri KNews muxbiriga.
Izoh (0)