Oltin baliqni tirikligicha yutib yuborgan britaniyalik qamaladi (video)

Buyuk Britaniyaning Devon grafligida yashovchi ikki fuqaro hayvonlarga nisbatan shafqatsiz munosabatda bo‘lganligi uchun ozodlikdan mahrum etiladi, deb xabar beradi Metro.

27 yoshli Sheril Stivens sobiq hamkasbi va do‘sti 24 yoshli Daniel Challisning oltin baliqchani yutib yuborgan holatini tasvirga olgan. Shu orqali ular ko‘ngilochar videorolik tayyorlamoqchi bo‘lgan. 35 soniyali videotasvir 2016-yil mart oyida Facebook ijtimoiy tarmog‘iga joylangan.

Mazkur ish bo‘yicha surishtiruv jarayonida oltin baliqchaning avvalroq tabiiy o‘lim bilan o‘lgani tasdiqlangan. Biroq sud jarayonida Jonivorlarni shafqatsiz munosabatdan himoya qilish qirollik jamiyati (RSPCA) videorolikda baliqchaning hali ham tirik bo‘lganligi va uning qimirlayotganini isbotladi. “Zolim baliqxo‘r” va uning sherigi ustidan sud hukmi 3-fevralda e’lon qilinadi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.