Rossiyaning Vladimir viloyati, Aleksandrov shahrida tug‘ilgan chaqaloqqa Shoygu ismi qo‘yildi. Shunisi ham borki, u Putin Jo‘rayev ism-sharifli bolakayning jiyani hisoblanadi, deya xabar beradi “Vesti.ru”.
Chaqaloqning bo‘yi 50 santimetr, vazni, 3,2 kilogramm bo‘lib, to‘liq ismi-sharifi Shoygu Xurmadovich Jo‘rayevdir. Uning ismini bobosi Rahmon Jo‘rayev tanladi.
“Shoygu Rossiya favqulodda vaziyatlar vazirligini tikladi. U nabiram uning sharafiga atalgan ism bilan atalishiga loyiq inson”, — deya ta’kidladi bobo.
Jo‘rayevlar oilasi tojikistonlik bo‘lib, bir necha yil avval Rossiyaga ko‘chib kelgan. Oila besh yil davomida Moskvada yashab, keyin Aleksandrov tumanining Legkovo qishlog‘iga ko‘chib keldi. Oldinroq bu oila 2 yoshli Rasulning ismini Putinga o‘zgartirgandi.
Ma’lumot uchun, hozirda Rossiya Mudofaa vaziri hisoblangan Sergey Shoygu 1991-yildan 2012-yilgacha mamlakat Favqulodda vaziyatlar vazirligiga rahbarlik qilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)