“Selta”ni ikkinchi o‘yinda ham mag‘lub eta olmagan Madridning “Real” klubi Ispaniya kubogini chorak finalda tark etdi

Madridning “Real” futbol klubi Ispaniya kubogi uchun kurashdan chiqib ketdi. Zinedin Zidan boshchilik qilayotgan jamoa ikki o‘yin natijasiga ko‘ra “Selta”dan ustun bo‘la olmadi.

Tomonlarning “Santyago Bernabeu”da bo‘lib o‘tgan o‘yinida vigolik futbolchilar 2:1 hisobida zafar quchgandi. “Selta” maydonida esa jangovor durang qayd etildi — 2:2. Natijada “Real” Ispaniya kubogi bilan chorak finalda xayrlashdi.

• Mahsulotlari arab mamlakatlarida sotilishini ta’minlash uchun Madridning “Real” klubi o‘z logosidan hoch belgisini olishga izn berdi

Sovrin uchun asosiy da’vogarlardan yana biri “Atletiko” ham kecha — 25-yanvar kuni raqibi “Eybar” bilan 2:2 hisobida durang o‘ynadi. Madridda kechgan dastlabki uchrashuvdagi yirik g‘alaba Diyego Simeone shogirdlariga yarim final eshiklarini ochib berdi.

Ispaniya kubogi 1/4 final 25-yanvar, chorshanba

“Alaves” — “Alkorkon” 0:0

Selta” — “Real Madrid” 2:2

“Eybar” — “Atletiko” 2:2

26-yanvar, payshanba“Barselona” — “Real Sosyedad”Dastlabki o‘yin: 1:0