Har to‘rt yilda bir marta o‘tkaziladigan futbol bo‘yicha qit’aning eng nufuzli turniri — Osiyo kubogi 2019-yil BAA mamlakatida bo‘lib o‘tadi. Abu Dabi shahri mezbonlik qilgan musobaqa tashkiliy qo‘mitasining yig‘ilishida uchrashuvlar bo‘lib o‘tadigan stadionlar nomi, shuningdek, ularning sanalariga oydinlik kiritildi. Bu haqda OFK matbuot xizmati xabar berdi.
Osiyo kubogi—2019 musobaqa nomi bilan bog‘liq yilning 5-yanvar va 1-fevral kunlari oralig‘ida bo‘lib o‘tadi. BAA uni 8 ta stadion bilan qabul qiladi. Shularning 3 tasi poytaxt Abu Dabida joylashgan bo‘lsa, Dubay va Al-Ayndan 2 tadan o‘yingoh tanlab olingan. So‘nggi stadion Sharja shahrida joylashgan.
Turnirning ochilish o‘yini va hal qiluvchi final bellashuvi Abu Dabidagi Zayed Sports City arenasida o‘tkaziladi. Qayd etish kerak, O‘zbekiston milliy terma jamoasi ilk bor 24 ta terma jamoa chempionlik uchun kurash olib boradigan Osiyo kubogi chiptasini qo‘lga kiritib bo‘lgan.
Quyida stadionlar suratlari bilan berilgan. Bunda yaqin orada amalga oshirilishi rejalashtirilgan loyihalar ham bor.Zayed Sports City — Abu Dabi (43 620 tomoshabin)
Al Jazira Stadium — Abu Dabi (42 056)
Al Nahyan Stadium — Abu Dabi (11 456)
Hazza Bin Zayed Stadium — (25 965)
Khalifa Bin Zayed Stadium — (16 000)
Maktoum bin Rashid Stadium — Dubay (12 000)
Al Maktoum Stadium — Dubay (10 750)
Sharjah Stadium — Sharja (11 073)
Izoh (0)