DJ Piligrim taxallusi ostida ijod qiluvchi xonanda Ilhom Yo‘lchiyev o‘z imijini tubdan o‘zgartirdi, deb xabar bermoqda “Darakchi.uz”.
Xonanda o‘zining sartaroshxonada o‘tirgani aks etgan suratini Instagram’dagi sahifasiga joylab, imijini kimga o‘xshatishini topgan foydalanuvchilarning 10 nafariga yangi – “OM” nomli albomini sovg‘a qilishini ma’lum qildi.
Birozdan so‘ng esa xonanda sochlari “Barselona” hujumchisi Messiniki kabi – mallaga bo‘yalgan ko‘rinishidagi suratini e’lon qildi.
Xonanda va’da qilganidek imijini to‘g‘ri bashorat qilgan 10 muxlisiga murojaat qilib, ulardan shaxsiy xabar orqali u bilan bog‘lanishini so‘radi.
Qayd etish joiz, Ilhom Yo‘lchiyev “Barselona” klubiga muxlislik qiladi va sevimli jamoasining o‘yinlarini tomosha qilish uchun Ispaniyaga borib turadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)