Marchello Lippi boshchilik qilayotgan futbol bo‘yicha Xitoy terma jamoasi China cup—2017 doirasida Xorvatiyaga qarshi maydonga tushdi va raqibini penaltilar seriyasiga ko‘ra mag‘lub etdi.
Turnir start olgan 10-yanvar kuni xitoyliklar yarim final o‘yini doirasida Islandiya bilan bellashib, 0:2 hisobida imkoniyatni boy bergan bo‘lsa, Xorvatiya termasi ikkinchi juftlikda Chilidan yengilgandi. Shu sababli Xitoy va Xorvatiya musobaqaning 3-o‘rin egasini aniqlash uchun o‘zaro kurash olib bordi.
“Championat.asia” nashrining aniqlik kiritishicha, uchrashuvda hisob 36-daqiqaga kelib Luka Ivanushech tomonidan ochilgan. O‘yin asosiy vaqti yakuniga 1 daqiqa qolganida esa zaxiradan maydonga tushgan Jingbin Vang muvozanatni tiklagan. Shu kuni xorvatiyalikdar darvozasini Andrey Prskalo qo‘riqlagandi.
Penaltilar seriyasida omad musobaqa mezboniga kulib boqdi — 4:3 va Xitoy China cup—2017 ni 3-o‘rinda yakunladi.
Ma’lumot uchun, O‘zbekiston milliy terma jamoasi 21—24-yanvar kunlari Dubay shahrida yig‘in o‘tkazadi. Samvel Babayan unga taklif qilgan futbolchilar ro‘yxati bilan shu havolada tanishish mumkin. 22-yanvar kuni Daniyaning 23 yoshgacha bo‘lgan futbolchilardan tashkil topgan terma jamoasi, 23-yanvar kuni esa Gruziya termasi O‘zbekistonga qarshi o‘yinda maydonga tushadi.
China cup—2017 3-o‘rin uchun 14-yanvar, shanba
Izoh (0)