Ispaniya kubogi. FIFA taqdirlash marosimida ishtirok etmagan futbolchilarning gollari “Barselona”ni chorak finalga olib chiqdi

Kataloniyaning “Barselona” klubi Ispaniya kubogi uchun kurashini davom ettiradi. Kecha — 11-yanvar kuni Bilbaoning “Atletik” klubini qabul qilgan Luis Enrike jamoasi 3:1 hisobida zafar quchdi va chorak finalga yo‘llanma oldi.

Tomonlarning Bilbaoda kechgan o‘yinida “Atletik” 2:1 hisobida zafar quchgandi. Keyinroq esa “Barselona” futbolchilari javob o‘yiniga puxta tayyorgarlik ko‘rish maqsadida FIFAning yillik taqdirlash marosimida ham ishtirok etmadi. O‘z navbatida bu klub uchun foydali bo‘lib, “Barsa” Ispaniya kubogini qo‘lga kiritish uchun kurashni davom ettiradigan bo‘ldi. Qayd etish kerak, “Barselona” kubokning amaldagi egasi ham hisoblanadi.

“Atletik”ka qarshi o‘yinda “Barselona” hujum chizig‘idagi trioning har biri bittadan gol urdi. Hisob Luis Suares tomonidan ochilgan bo‘lsa, keyinroq Neymar penaltidan muvaffaqiyat qozondi. Xuddi dastlabki o‘yinda bo‘lgani kabi so‘nggi gol Lionel Messi tomonidan urildi.

Kechagi kun natijalariga ko‘ra “Alaves”, “Alkorkon”, “Real Sosyedad” klublari ham chorak final yo‘llanmasiga ega chiqdi. 10-yanvar kuni Madridning “Atletiko” klubi ham navbatdagi bosqich masalasini ijobiy hal qila olgandi. Nimchorak finalning yana 3 ta o‘yini bugun — 12-yanvar sanasida bo‘lib o‘tadi.

Ispani kubogi 1/8 final 11-yanvar, chorshanba

“Alaves” — “Deportivo” 1:1

Gollar: Edgar Mendes, 45 (1:0). Alexandro Arribas, 62 (1:1).Chetlatish: Teo Bernar Fransua, 47 (A).Birinchi uchrashuv: 2:2

“Kordoba” — “Alkorkon” 1:2

Gollar: Federiko Yovakari, 9 (1:0). David Rodriges, 51 (1:1). Ivan Alexo, 68 (1:2).Dastlabki uchrashuv: 0:0

“Barselona” — “Atletik” 3:1

Gollar: Luis Suares, 35 (1:0). Neymar, 48-pen (2:0). Enrik Saborit, 51 (2:1). Lionel Messi, 78 (3:1).Dastlabki uchrashuv: 1:2

“Vilyarreal” — “Real Sosyedad” 1:1

Gollar: Mikel Oryasabal, 15 (0:1). Roberto Soriano, 45 (1:1).Chetlatish: Nikola Sansone, 89 (V).Dastlabki uchrashuv: 1:3

12-yanvar, payshanba“Eybar” — “Osasuna”Birinchi uchrashuv: 3:0

“Selta” — “Valensiya”Birinchi uchrashuv: 4:1

“Real Madrid” — “Sevilya”Birinchi uchrashuv: 3:0