Каталониянинг «Барселона» клуби Испания кубоги учун курашини давом эттиради. Кеча — 11 январь куни Бильбаонинг «Атлетик» клубини қабул қилган Луис Энрике жамоаси 3:1 ҳисобида зафар қучди ва чорак финалга йўлланма олди.
Томонларнинг Бильбаода кечган ўйинида «Атлетик» 2:1 ҳисобида зафар қучганди. Кейинроқ эса «Барселона» футболчилари жавоб ўйинига пухта тайёргарлик кўриш мақсадида ФИФАнинг йиллик тақдирлаш маросимида ҳам иштирок этмади. Ўз навбатида бу клуб учун фойдали бўлиб, «Барса» Испания кубогини қўлга киритиш учун курашни давом эттирадиган бўлди. Қайд этиш керак, «Барселона» кубокнинг амалдаги эгаси ҳам ҳисобланади.
«Атлетик»ка қарши ўйинда «Барселона» ҳужум чизиғидаги трионинг ҳар бири биттадан гол урди. Ҳисоб Луис Суарес томонидан очилган бўлса, кейинроқ Неймар пенальтидан муваффақият қозонди. Худди дастлабки ўйинда бўлгани каби сўнгги гол Лионель Месси томонидан урилди.
Кечаги кун натижаларига кўра «Алавес», «Алькоркон», «Реал Сосьедад» клублари ҳам чорак финал йўлланмасига эга чиқди. 10 январь куни Мадриднинг «Атлетико» клуби ҳам навбатдаги босқич масаласини ижобий ҳал қила олганди. Нимчорак финалнинг яна 3 та ўйини бугун — 12 январь санасида бўлиб ўтади.
Испани кубоги 1/8 финал 11 январь, чоршанба
«Алавес» — «Депортиво» 1:1
Голлар: Эдгар Мендес, 45 (1:0). Алехандро Аррибас, 62 (1:1).Четлатиш: Тео Бернар Франсуа, 47 (А).Биринчи учрашув: 2:2«Кордоба» — «Алькоркон» 1:2
Голлар: Федерико Йовакари, 9 (1:0). Давид Родригес, 51 (1:1). Иван Алехо, 68 (1:2).Дастлабки учрашув: 0:0«Барселона» — «Атлетик» 3:1
Голлар: Луис Суарес, 35 (1:0). Неймар, 48-пен (2:0). Энрик Саборит, 51 (2:1). Лионель Месси, 78 (3:1).Дастлабки учрашув: 1:2«Вильярреал» — «Реал Сосьедад» 1:1
Голлар: Микель Орясабаль, 15 (0:1). Роберто Сориано, 45 (1:1).Четлатиш: Никола Сансоне, 89 (V).Дастлабки учрашув: 1:312 январь, пайшанба«Эйбар» — «Осасуна»Биринчи учрашув: 3:0
«Сельта» — «Валенсия»Биринчи учрашув: 4:1
«Реал Мадрид» — «Севилья»Биринчи учрашув: 3:0
Изоҳ (0)