AQShning Kaliforniya shtati Pasadena shahrida 2-yanvar kuni Yangi yilni nishonlash doirasida hisob bo‘yicha 128-atirgullar paradi bo‘lib o‘tdi. Unda 1 millionga yaqin kishi ishtirok etdi, 10 millionga yaqin amerikaliklar esa paradni televideniye orqali tomosha qildi. TJournal parad vaqtida olingan va ijtimoiy tarmoqlarga joylangan fotosuratlarni bitta sahifaga jamladi.
Odatga ko‘ra, mazkur tadbirni boshqarish huquqi turli mashhur insonlar, siyosatchi va sportchilarga taqdim etiladi. Masalan, 1966-yili paradni Uolt Disney boshqargan.
Bu safar paradni boshqarish sharafi uch nafar amerikalik Olimpiya chempionlariga – Ellison Feliks (yuugurish), Greg Luganis (suvga sakrash) va Janet Evansga (suzuvchi) nasib etdi.
Atirgullar paradi Kaliforniyada o‘tkaziladigan shu turdagi tadbirlarning eng yirigi sanaladi.
Ijtimoiy tarmoqlarda syorfer-itlar platformasi eng ommabopi bo‘ldi. Ushbu platforma Janubiy Kaliforniya buldoglarni qutqarish jamiyati tomonidan taqdim etildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)