UzReport Yangi yil tomoshalari sabab, 31-dekabr kuni bo‘ladigan “Liverpul” — “Man Siti” o‘yinini ko‘rsatmaydi

Angliya Premyer-Ligasi va Ispaniya La Ligasi bellashuvlarini O‘zbekiston hududida translyatsiya qilish huquqini qo‘lga kiritgan va bu borada mamlakatda yagona telekanal bo‘lib turgan UzReport 31-dekabr kuni futboldan “dam oladi”. Bu haqda kanalning futbol bo‘limi tomonidan yuritiladigan Twitter sahifasida aytib o‘tilgan.

31-dekabr kuni Angliya Premyer-Ligasida Boxing day avjiga chiqqan bo‘lib, bayram kuni mamlakat elitasida 7 ta uchrashuv bo‘lib o‘tadi. Shu kuni “Manchester Yunayted”, “Chelsi”, “Lester”, “Liverpul”, “Manchester Siti” kabi klublar o‘yin o‘tkazadi. Biroq ular ishtirokidagi bellashuvlar namoyish etilmaydi.

Qayd etish kerak, Angliya Premyer-Ligasi chempionligi uchun kurash olib borayotgan “Liverpul” va “Manchester Siti” klublari 31-dekabr kuni Toshkent vaqti bilan 22:30 da maydonga tushishi kerak edi.

UzReport bunga sabab sifatida yangi yilga bag‘ishlangan dasturlar ko‘pligini ko‘rsatgan.

Quyida Premyer-Ligasi doirasida UzReport jonli olib ko‘rsatadigan yaqin kunlardagi o‘yinlar Toshkent vaqti bilan berilgan.