Rossiya mudofaa vaziri Sergey Shoygu mamlakat havo-kosmik kuchlari Suriyada 19 ming harbiy parvozni amalga oshirib, 35 ming jangarini hamda 1,5 ming texnika birligini yo‘q qilganini aytib o‘tdi. Bu haqda “Korrespondent.net” xabar bermoqda.
“725 mashg‘ulot lageri, o‘q-dori ishlab chiqaruvchi 405 zavod va ustaxona, terrorchilarning 1,5 ming texnika birligi, 35 ming jangari, shu jumladan, 204 dala komandiri yo‘q qilindi”, — dedi u mudofaa vazirligi kollegiyasining kengaytirilgan yig‘ilishida.
Shoyguning aytishicha, Rossiya samolyotlari amalga oshirgan 18800 parvoz davomida jami 71 ming zarba berilgan.
“Jinoiy guruhlardan 448 tank va boshqa harbiy zirhli mashina, 57 reaktiv o‘t ochish tizimlari, 418 qo‘lbola reaktiv o‘t ochish tizimi, 410 minomyot va 28 mingdan ortiq o‘qotar qurol birligi musodara etildi”, — qo‘shimcha qildi Rossiya mudofaa vaziri.
Izoh (0)