Afg‘oniston armiyasi mamlakat sharqida “Tolibon” hujumini qaytardi

Afg‘oniston armiyasi mamlakat sharqidagi G‘azni viloyatida “Tolibon” radikal harakati jangarilarining hujumini qaytarib qoldi. Bu haqda, “Sinxua” agentligiga asoslanib, “TASS” xabar bermoqda.

Mintaqaviy armiya bo‘linmalari rasmiy vakili Xanif Rizoiyning bildirishicha, hujum 12-dekabr ertalabki soatlarida ro‘y berdi. Bir qancha qurollangan jangari Mukur tumanidagi “Muhammad Kli” va “Regrashon” nazorat-o‘tkazish punktlariga hujum uyushtirdi. Ikki soat davom etgan otishma chog‘ida bir askar halok bo‘ldi, ikki nafari yaralandi.

Bundan tashqari, sakkiz jangari yo‘q qilindi, 12 nafari esa yaralandi.