Xalqaro futbol federatsiyasi (FIFA) 2016-yilning eng yaxshi ayol futbolchisi nomiga da’vogar uch nomzodning ismini e’lon qildi. Bu haqda, FIFA matbuot xizmatiga asoslanib, “TASS” xabar bermoqda.
Nomzodlar ro‘yxatiga braziliyalik Marta, germaniyalik Melani Beringer va AQSh vakilasi Karli Lloyd kiritildi.
Melani Beringer Germaniya termasi safida jahon chempioni (2007), Olimpiya o‘yinlari g‘olibi (2016) va ikki karra Yevropa chempioni (2009, 2013) sanaladi. Marta ikki karra jahon chempionati (2007, 2011) va Olimpiya o‘yinlari (2004, 2008) kumush medali sohibasi. Karli Lloyd jahon chempioni (2015) va ikki karra Olimpiada g‘olibi (2008, 2012) unvoniga ega.FIFA 2016-yilning eng yaxshi ayol futbolchisi nomini 2017-yilning 9-yanvar kuni Syurix (Shveysariya)da bo‘lib o‘tadigan marosimda e’lon qiladi.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)