APL. Markaziy o‘yinlarda g‘olib chiqa olmayotgan “Yunayted” o‘z maydonida “Arsenal”ni ham yenga olmadi (video)

Futbol bo‘yicha Angliya Premyer-Ligasining 12-tur o‘yinlari markaziy bellashuv bilan start oldi va uning doirasida “Manchester Yunayted” o‘z maydonida Londonning “Arsenal” klubini qabul qildi.

Uchrashuvda hisob ispaniyalik Xuan Mata tomonidan ochilgan bo‘lsa, keyinroq mehmonlardan fransiyalik Olivye Jiru muvaffaqiyat qozondi — 1:1.

Joze Mourinyo boshqaruvida “Yunayted” markaziy o‘yinlarni o‘z foydasiga hal qila olmayapti. Hozirga qadar “Manchester Siti” (1:2) va “Chelsi” (0:4) klublariga imkoniyatni boy bergan “qizil iblislar”, “Liverpul” (0:0) va “Arsenal” (1:1) bilan ochkolarni bo‘lib oldi.

“Arsenal” qo‘lga kiritilgan 1 ochko bilan turnir jadvalida 3-o‘ringa ko‘tarilib oldi. Uning ochkosi “Chelsi”niki kabi 25 ta. 19 ochkosi bor “Yunayted” esa “Tottenhem”dan keyin 6-o‘rinda bormoqda.

Turning qolgan uchrashuvlari uch kun davomida bo‘lib o‘tadi.

Angliya Premyer-Ligasi 12-tur bellashuvi 19-noyabr, shanba

“Manchester Yunayted” — “Arsenal” 1:1

“Kristal Pelas” — “Manchester Siti”“Sanderlend” — “Xall Siti”“Sautgempton” — “Liverpul”“Stok Siti” — “Bornmut”“Uotford” — “Lester”“Everton” — “Suonsi”“Tottenhem” — “Vest Hem”

20-noyabr, yakshanba“Midlsbro” — “Chelsi”

21-noyabr, dushanba“Vest Bromvich” — “Byornli”