FIFA 2016-yilning eng yaxshi murabbiyiga topshiriladigan mukofotga nomzod bo‘lmish o‘n mutaxassisning nomini e’lon qildi. Ular orasida Angliyaning “Lester” jamoasi bosh murabbiyi Klaudio Ranyeri hamda Madridning “Real” jamoasi bosh murabbiyi Zinedin Zidan bor, deb xabar beradi “TASS”.
Ro‘yxatga, shuningdek, Kris Koulmen (Uels terma jamoasi), Didye Desham (Fransiya terma jamoasi), Fernandu Santush (Portugaliya terma jamoasi), Xosep Gvardiola (“Bavariya”, Germaniya, “Manchester Siti”, Angliya), Yurgen Klopp (“Liverpul”, Angliya), Luis Enrike (“Barselona”, Ispaniya), Maurisio Pochettino (“Tottenhem”, Angliya) va Diyego Simeone (“Atletiko”, Ispaniya) kirdi.
Uch nomzoddan iborat short-list 2-dekabr kuni e’lon qilinadi, mukofotni topshirish marosimi esa 2017-yil 9-yanvarda Syurixda bo‘lib o‘tadi.
Izoh (0)