Iroq harbiylari Mosulda telemarkaz binosini jangarilardan ozod qildi

Iroq harbiylari Mosul shahridagi davlat teleradiokompaniyasi binosini IShID jangarilaridan tozaladi. Bu haqda, Al Sumaria telekanaliga asoslanib, “RIA Novosti” xabar bermoqda.

Telemarkaz Ko‘kjali tumanida joylashgan. Reuters’ning qayd qilishicha, bu Mosulda IShID qo‘lidan ozod qilingan birinchi muhim binodir.

Ilgariroq Iroq armiyasi Mosulning al-Karama tumaniga kirgani, shuningdek, Ko‘kjali tumanini butunlay ozod qilgani bildirilgan edi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.