Bangkokdagi qirol saroyi va Zumrad Budda ibodatxonasi 1-noyabr, seshanbadan e’tiboran yana sayyohlar tashrifi uchun ochildi. Bu haqda INN News ma’lum qildi.
Sayyohlar mazkur obidalarni har kuni 08:30 dan 15:00 gacha kelib ko‘rishi mumkin. Turizm politsiyasi va majmualar xodimlari chet ellik mehmonlar mamlakatdagi motam munosabati bilan o‘zlarini sipo tutishlarini nazorat qilib boradi.
Saroy va ibodatxona 13-oktabr kuni Tailand qiroli Pxumipon Adulyadet vafot etganidan so‘ng yopilgandi. Ushbu binolarda dafn marosimlari o‘tkazildi. Jumladan, qirol oilasi a’zolari marhum hukmdor bilan shu yerda vidolashdi.
Izoh (0)