Olimlar: 2050-yilda xitoylar Rossiyada son jihatdan ikkinchi xalqqa aylanadi

Xitoydan Rossiyaga migratsion oqimning kuchayishi natijasida 2050-yilda xitoylar son jihatdan Rossiyaning ikkinchi xalqiga aylanadi. Bu haqda RFA xalq xo‘jaligini prognozlash instituti migratsion mtadqiqotlar markazi direktori Janna Zayonchkovskaya bayonot berdi, deb xabar qilmoqda “Vzglyad”.

“Xitoyda ishsizlar soni Rossiyaning umumiy aholisidan ko‘proqdir. Agar Xitoy bilan qalin munosabatlar saqlansa, o‘ylaymanki, 2050-yilda xitoylar son jihatdan Rossiyaning ikkinchi xalqiga aylanishi va migratsiya bo‘yicha O‘rta Osiyo xalqlaridan o‘tib ketishi mumkin”, — dedi mutaxassis.

Ekspertning fikricha, 2030-yildan so‘ng O‘rta Osiyodan kelayotgan migratsion oqimlar qisqaradi, negaki bu mamlakatlar yosh aholisining katta qismi qo‘shni mamlakatlar hududiga chiqmoqda.