AQSh hukumati Embraer aviatsiya kompaniyasini poraxo‘rlik tufayli 205 mln dollar jarimaga tortdi

AQSh adliya vazirligi hamda qimmatbaho qog‘ozlar va birjalar bo‘yicha komissiya (SEC) Braziliyaning samolyot ishlab chiqaruvchi Embraer SA kompaniyasini 205 million dollar jarimaga tortdi. Kompaniya hukumat shartnomalariga ega bo‘lish uchun pora berganlikda ayblanmoqda, deb xabar beradi “Interfaks”.

Jumladan, kompaniya Hindiston, Dominikan Respublikasi, Saudiya Arabistoni va Mozambik hukumati vakillariga pora berishda gumonlanmoqda.

Shu yo‘l bilan Embraer 85 million dollar miqdorida noqonuniy daromad olgani aytilmoqda.