Filippinda “Xaima” to‘foni 5 kishining hayotiga zomin bo‘ldi

Filippinning shimoliy hududlariga yopirilgan “Xaima” to‘foni oqibatida kamida besh kishi halok bo‘ldi. Bu haqda AP agentligiga tayanib, “Interfaks” xabar bermoqda.

Tabiiy ofat uylarning vayron bo‘lishi va daraxtlarning qulashiga olib keldi. Qutqaruvchilar mamlakatning shimoliy hududida o‘n minglab odamlarni evakuatsiya qildi. To‘fon oqibatida ko‘chkilar kelib chiqqan Kagayan provinsiyasi eng ko‘p zarar ko‘rdi.

19-oktabr kuni Filippinga kuchli “Xaima” to‘foni yopirilishi kutilayotgani hamda mamlakatning shimoliy qismidagi aholi xavf ostida ekani haqida xabar berilgandi.

Mahalliy meteorologiya xizmatining ma’lum qilishicha, to‘fon vaqtida shamol tezligi soatiga 315 kilometrga yetdi.