Respublika Kinochilar uyida “O‘zbekkino” milliy agentligi buyurtmasi asosida suratga olingan “Toliqqan ko‘ngillar oyga talpinar” nomli badiiy film premyerasi bo‘lib o‘tdi. Bu haqda O‘zA xabar bermoqda.
Filmni tasvirga olish Toshkent viloyati Bo‘stonliq tumanida bo‘lib o‘tdi. Kartinada keksalik ostonasida turgan Erkin, Shavkat va Ubaydulla ismli uch do‘stning hayoti, ularning o‘y-kechinmalari haqida hikoya qilinadi.
Kunlardan birida ular tog‘lar bag‘ridagi sirli maskanning daragini eshitib, uni o‘z ko‘zlari bilan ko‘rish niyatida safarga otlanadi. Yo‘lda ular bir qancha g‘aroyib hodisalarga duch keladi, o‘ziga xos tabiatli odamlar bilan uchrashib, hamsuhbat bo‘ladi. Sermashaqqat va maroqli kechgan safar natijasida hayotning mazmun-mohiyati haqida o‘zlarini qiynagan savollarga javob topadi.
Ssenariy muallifi va rejissor – Sobir Nazarmuhamedov. Bosh rollarni Erkin Komilov, Muhammadsoli Yusupov, Karim Mirhodiyev, Bernard Nazarmuhamedov, Tohir Miraliyev, Dilorom Karimova kabi aktyorlar ijro etgan.
Izoh (0)