Brent nefti bahosi 10-iyundan beri ilk bor 52 dollardan oshdi

London birjasidagi savdolar chog‘ida dekabrda yetkazib beriladigan Brent turidagi neft bahosi 2 foizga ko‘tarilib, bir barreli uchun 52,03 dollarni tashkil etdi. Narxning 52 dollardan ortishi 10-iyundan beri ilk bor qayd etildi, deya xabar bermoqda “Vedomosti”.

Noyabrda yetkaziladigan WTI turidagi neft narxi 2,44 foizga oshdi va bir barreli uchun 49,88 dollarga yetdi.

Neft kotirovkalari AQShdagi xomashyo zaxiralari haqidagi ma’lumotlar tufayli ko‘tarilib bormoqda. Mamlakat energetika vazirligiga ko‘ra, neftning tijoriy zaxiralari hafta mobaynida 3,02 millionga, 499,7 million barrelgacha kamaydi.