Jang chog‘ida olgan jarohatidan keyin shotlandiyalik bokschi Maykl Tauell shifoxonada vafot etdi, deb yozdi “Olamsport”.
Mayk Britaniya chempionlik kamari uchun yurishini boshlagan bo‘lib, endigina saralash doirasidagi janglarini o‘tkazayotgandi. Glazgoda u Deyli Ivinsga qarshi ringga ko‘tarildi. Mayk birinchi raundda kuchli zarba o‘tkazib yubordi. Beshinchi raunddagi yana shunday zarbadan keyin esa uni ringdan zambilda olib chiqib ketishdi.
25 yoshli charm qo‘lqop ustasi zudlik bilan shifoxonaga yetkazilgan bo‘lsa-da, doktorlarga uning hayotini saqlab qolish nasib qilmadi.
Professional ringda 13 ta jang o‘tkazgan Mayk Tauell, shularning 1 tasida mag‘lub bo‘lgan va 1 marta durang qayd etgandi. O‘zining foydasiga hal qilgan 11 ta jangning 8 tasida raqiblarini nokautga uchratishga erishgandi.
Izoh (0)