Turkiyaning xorijdagi birinchi harbiy bazasi Somalida, ikkinchisi Qatarda ochiladi

Turkiyalik 200 nafar harbiy xizmatchi mamlakatning xorijdagi ilk harbiy bazasida xizmat o‘tay boshlaydi. Baza Somalida, ushbu mamlakat hukumati bilan tuzilgan hamkorlik kelishuvi doirasida ochiladi, deb xabar beradi “TASS”.

BMT tomonidan ma’qullangan hujjat doirasida tuzilgan bazada 10,5 ming nafar somalilik harbiylar tayyorgarlik o‘taydi. Turkiyalik harbiy xizmatchilar instruktorlar vazifasini o‘taydi. Baza xavfsizligini ta’minlash maqsadida baza uchun qo‘shimcha kontingent ajratiladi.

Turkiyaning xorijdagi keyingi harbiy bazasi Qatarda tashkil etiladi. Bu boradagi kelishuv ikki davlat o‘rtasida 2014-yilda imzolangan edi.