Rossiyadagi Kolsovo (Yekaterinburg) xalqaro aeroporti terminali oynalarida mahalliy musiqiy guruhlar qo‘shiqlaridan satrlar paydo bo‘ldi. Bu haqda TJournal xabar bermoqda.
Aeroport ma’muriyati o‘nta ijrochini tanlab, ularning har biri ijodidan havo qo‘nalg‘asi va sayohatlar muhitiga mos qo‘shiqlar topdi, oynalarda esa tanlangan qo‘shiqlardagi eng muhim satrlar joylashtirildi.
Ijrochilar qatoridan “Chayf”, “Sansara”, “Smisloviye gallyutsinatsii”, Chicherina, “Kurara”, N.E.V.A, Alai Oli, “Obe dve”, Ek-Playaz va “AloeVera” o‘rin oldi.
Ularning qo‘shiqlaridan olingan satrlarni endi har kuni minglab yo‘lovchilar ko‘rishi mumkin.
Shuningdek, Kolsovoda Koltsovo Music Box nomi ostida iTunes, Google Play va “Yandeks.Muzika”da pleylistlar ochildi. Terminal oynalaridagi satrlar ostida ularga olib boradigan QR-kodlarni uchratish mumkin.
Izoh (0)