Rio—2016. Paralimpiyada medallar soni 11 taga yetgan O‘zbekiston delegatsiyasi Avstraliya bilan 6-o‘rinni bo‘lishib turibdi

Rio—2016 Paralimpiyasining ikkinchi kuni yakuniga ko‘ra O‘zbekiston delegatsiyasi 6-o‘rindan joy olgan.

Ayni vaqtda o‘zbekistonlik sportchilar 3 ta oltin, 2 ta kumush va 6 ta bronzani qo‘lga kiritib ulgurdi. Avstraliya terma jamoasi ham O‘zbekiston kabi natija qayd etib turibdi.

Umumjamoa hisobida 20 ta oltini bor bo‘lgan Xitoy yetakchilik qilayotgan bo‘lsa, Buyuk Britaniya 12 ta, Ukraina 7 ta oltin medal bilan kuchli uchlikni yakunlagan. Mos ravishda 4 va 5-o‘rinlarda borayotgan AQSh hamda Braziliyada ham oltinlar soni O‘zbekistonniki kabi 3 tadan. Biroq AQShda kumush medal 8 ta, Braziliyada esa 6 ta.

Markaziy Osiyo mamlakatlari orasidan O‘zbekistonni inobatga olmaganda faqatgina Qozog‘iston medalga ega chiqqan bo‘lib, delegatsiya hisobida 1 dona oltin medal bor.