Janubiy Koreya prezidenti Pak Kin Xe 9-sentabr, juma kuni KXDR yadro quroli sinovini o‘tkazganini ma’lum qildi, deb yozadi “RIA Novosti” “Ryonxap” agentligiga tayanib.
Pak Kin Xe ta’kidlashicha, bunday xatti-harakatlari bilan KXDR yetakchisi Kim Chen In xalqaro hamjamiyatning barcha da’vatlarini nazar-pisand qilmayapti, “vasvasali jinnilik”ni namoyon qilmoqda.
Mahalliy vaqt bilan 09:30 atrofida (Toshkent vaqti bilan 05:30) KXDRda 5 magnitudali zilzila qayd etildi. Xitoy seysmologiya markazi, o‘z navbatida, ushbu seysmik hodisa portlash bo‘lgan bo‘lishi mumkinligini ma’lum qildi.
Janubiy koreyalik harbiylar ma’lumotlariga ko‘ra, portlovchi qurilma kuchi 10 kilotonnani tashkil etishi mumkin, bu yanvardagi portlash kuchidan qariyb ikki baravar ko‘p demakdir (6 kilotonna). Janubiy koreyalik mutaxassislar ta’kidlashicha, axborot tasdiqlansa, ushbu yadro sinovlari KXDR tarixidagi eng yirigi bo‘ladi.
Izoh (0)