Argentinalik futbolchi Lionel Messi sochlarini nima sababdan sariq rangga bo‘yaganiga izoh berdi, deb yozdi “Chempionat”.
“Og‘ir kunlarimning birida sochlarimni bo‘yashga qaror qildim”, — deb Messining so‘zlaridan iqtibos keltirilgan. — “Men yangi hayot boshlashim kerak edi. O‘zgarish va barchasini boshidan boshlash kerakligiga o‘zimni ishontirdim”.
“Barselona” futbolchisi bu so‘zlarni Telefe telekanali orqali efirga uzatiladigan Polemica en el bar shousida aytdi. Uning sochlari Chiliga qarshi Kopa Amerika finalida qayd etilgan mag‘lubiyatdan keyin o‘zgarib qolgandi.
Avvalroq qo‘shiqchi Lola o‘z muxlislarini hayotni o‘zgartirishni soch turmagidan boshlashga chaqirgandi.
“Aytishlaricha, hayotini o‘zgartirishni istagan inson bu ishni soch turmagidan boshlashi kerak ekan. Buni siz ham o‘zingizda sinab ko‘ring! Hech narsadan, hech qachon qo‘rqmang. O‘zgarishlar har doim yaxshilikka bo‘ladi. Hayotni yanada jur’atliroq yashab o‘tishga ikkinchi imkon bo‘lmaydi, axir. O‘ylanib qoldingizmi? Amalga oshiring! Men sizga ishonaman!” — deb yozgandi Lola.
Izoh (0)