Futbol bo‘yicha O‘zbekiston milliy terma jamoasi JCh—2018 saralash bosqichidagi navbatdagi uchrashuvni o‘tkazish uchun Qatar poytaxti Dohaga yetib bordi. Bu haqda O‘FF matbuot xizmatining Twitter’dagi sahifasida axborot berilgan.
O‘FF matbuot xizmatining Telegram’dagi kanalida qoldirilgan axborotga ko‘ra, shu kecha-kunduzda Dohada kunduzi havo harorati +41...+44 darajagacha ko‘tarilmoqda. Terma jamoa futbolchilari Dohadaga Warwick mehmonxonasiga joylashgan.
Qatarga yo‘l olgan o‘zbekistonlik futbolchilar orasida yarim himoyachi Aziz Haydarov yo‘q — xabar berishlaricha, futbolchi sonining orqa qismidan jarohat olgan. Umuman, Dohada bo‘ladigan o‘yinga bosh murabbiy Samvel Babayan 23 nafar futbolchini olib ketgan:
Darvozabonlar: Aleksandr Lobanov (“Paxtakor”), Ignatiy Nesterov (“Lokomotiv”), Eldor Suyunov (“Nasaf”)
Himoyachilar: Islom To‘xtaxo‘jayev (“Lokomotiv”), Yegor Krimets (“Beyjing Guoan” – Xitoy), Anzur Ismoilov (“Changchun Yatai” – Xitoy), Azim Ahmedov (“Paxtakor”), Davron Hoshimov (“Paxtakor”), Vitaliy Denisov (“Lokomotiv” – Rossiya), Stanislav Andreyev (“Paxtakor”), Otabek Shukurov (“Bunyodkor”).
Yarim himoyachilar: Odil Ahmedov (“Krasnodar” – Rossiya), Sardor Rashidov (“Al-Jaish” – Qatar), Eldor Shomurodov (“Bunyodkor”), Jasur Hasanov (“Qizilqum”), Javohir Sohibov (“Paxtakor”), Marat Bikmayev (“Lokomotiv”), Doston Hamdamov (“Bunyodkor”), Salamat Qutiboyev (“Buxoro”), Jamshid Iskanderov (“Paxtakor”), Server Jeparov (“Lokomotiv”)
Hujumchilar: Igor Sergeyev (“Beyjing Guoan” – Xitoy), Aleksandr Geynrix (“Ordabasi” - Qozog‘iston)
Eslatib o‘tamiz, Qatar va O‘zbekiston milliy terma jamoalari o‘rtasidagi JCh—2018 saralash uchrashuvi 6-sentabr, seshanba kuni Toshkent vaqti bilan 21:00 da boshlanadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)